გოს საზოგადოების მხარდაჭერა
გინდ ეროვნულ ფედერაციას ხელმძღვანელობთ, გინდ ადგილობრივ კლუბს მართავთ, გინდ ტურნირებს აწყობთ — Go Magic დაგეხმარებათ წარმატების მიღწევაში. აირჩიეთ მიმართულება:
გოს ორგანიზაციების მხარდაჭერის პროგრამა
ჩვენ მხარს ვუჭერთ გოს ორგანიზაციებს — ფედერაციებს, ასოციაციებსა და რეგიონულ ფილიალებს, რომლებიც საზოგადოებას აერთიანებენ და ავითარებენ. გვესმის, რომ ეს რთულია: ყოველთვის ადვილი არ არის მოთამაშეების დარწმუნება, რომ წლიური საწევრო გადაიხადონ. ჩვენი მიზანია, სწორედ ამის გადაჭრაში დაგეხმაროთ და მათ საწევრო პაკეტებს ხელშესახები ღირებულება შევმატოთ. როცა წლიურ საწევროში Go Magic-ზე წვდომას ჩართავთ, ჩვეულებრივი საწევრო მიმზიდველ შეთავაზებად იქცევა, რომლის გადახდაც მოთამაშეებს თავად სურთ.
რას გთავაზობთ:
- Go Magic-ის გამოწერები: ერთვის თქვენს წლიურ საწევროს და მის გადახდას მოთამაშეებისთვის უფრო მიმზიდველს ხდის.
- ფასდაკლებები წევრებისთვის: ექსკლუზიური პრომოკოდები თქვენი საზოგადოებისთვის.
- ტურნირებისა და კლუბების მხარდაჭერა: ცენტრალიზებული სპონსორობა და საპრიზო ფონდი თქვენი ღონისძიებებისთვის.
- საკონსულტაციო მხარდაჭერა: რჩევები თქვენი ორგანიზაციისა და ადგილობრივი კლუბების განვითარებაზე.
- მოქნილი თანამშრომლობა: მზად ვართ, განვიხილოთ ნებისმიერი სხვა ერთობლივი ინიციატივა თუ შემოქმედებითი იდეა.
რას ვითხოვთ სანაცვლოდ:
- დაგვეხმარეთ Go Magic-ის შესახებ ინფორმაციის გავრცელებაში
როგორ შემოუერთდეთ პროგრამას:
- განაცხადი: შეავსეთ ჩვენი განაცხადის ფორმა გოს ორგანიზაციებისთვის 👈
- თანამშრომლობა: შევათანხმებთ თქვენზე მორგებულ პარტნიორობის მოდელს.
- გაშვება: ჩვენ გაძლევთ კოდებს, თქვენ კი წევრებს დაურიგებთ.
📧 გაქვთ შეკითხვები? მოგვწერეთ მისამართზე [email protected]
მხარდაჭერა გოს კლუბებისა და მასწავლებლებისთვის
ჩვენი პლატფორმის ერთ-ერთი მიზანია, დაეხმაროს გოს კლუბებსა და მასწავლებლებს დამწყებთა სწავლებაში. რამდენჯერ მოგიწევიათ წესების ახსნა, კიბეებისა და უკუმოკვლების ჩვენება? ახლა ამ დატვირთვის ნაწილი მაინც შეგიძლიათ Go Magic-ს გადააბაროთ.
გვინდა, მსოფლიოში საუკეთესო თამაშის შესახებ მეტმა ადამიანმა გაიგოს, ამიტომ თუ ჩვენი ფასები თქვენთვის მიუწვდომელია ან უბრალოდ გსურთ, წაახალისოთ თქვენი სკოლის ან ადგილობრივი გო-კლუბის მოსწავლეები, მოგვწერეთ და ფასდაკლებას შემოგთავაზებთ. 🙌
როგორ გეხმარებით:
- ფასდაკლებები მოსწავლეებისთვის: თუ ჩვენი ფასები თქვენი მოსწავლეებისთვის მიუწვდომელია, შეგვატყობინეთ. გვინდა, გო ხელმისაწვდომი გავხადოთ.
- კონსულტაცია: რჩევები სწავლების მეთოდებზე ან თქვენი ადგილობრივი კლუბის პოპულარიზაციაზე.
- Gold წევრობა: კლუბების აქტიურ ხელმძღვანელებსა და მასწავლებლებს შეუძლიათ, უფასო Gold წევრობა 🌟 მიიღონ გაკვეთილებზე გამოსაყენებლად და საკუთარი განვითარებისთვის. გაითვალისწინეთ: თქვენს კლუბს სულ მცირე 5 აქტიური მოთამაშე უნდა ჰყავდეს.
👉 განაცხადის ფორმა გოს კლუბებისთვის
სხვათა შორის, თუ მასწავლებელი ხართ და გსურთ, ჩვენთან ერთად შექმნათ კურსები, იხილეთ ეს გვერდი.
ტურნირების სპონსორობა
ტურნირს ან გოს ღონისძიებას აწყობთ? ყოველთვის მზად ვართ, საინტერესო ღონისძიებებს მხარი დავუჭიროთ Go Magic-ის სასაჩუქრე სერტიფიკატებით — საპრიზოდ.
👉 განაცხადის ფორმა ტურნირებისთვის
💸 გსურთ, დამატებითი სახსრები გამოიმუშაოთ თქვენთვის ან თქვენი კლუბისთვის? შემოუერთდით ჩვენს პარტნიორულ პროგრამას და მიიღეთ ანაზღაურება ახალი მოსწავლეების მოყვანისთვის.
🎨 გჭირდებათ ვიზუალური მასალა თქვენი ღონისძიებისთვის? ბანერები, ფლაერები და რეკომენდაციები მათი ეფექტურად გამოყენების შესახებ იხილეთ ჩვენს გვერდზე „სარეკლამო მასალები“.